کتیکا؛ مرکز ښرنه کې د څه باندې دوه میلیونو افغانیو په ارزښت دوه پروژې پشپړې شوې
د المپیک، بدني روزنې او ورزش عمومي ریاست له لوري د پکتیکا ولایت مرکز ښرنه کې د یاد ولایت د ورزشي آمریت لپاره د ۲.۲ میلیونه افغانیو په ارزښت د نیزه وهنې او فوټبال دوه لوبغالي جوړ او رغنیزې چارې یې بشپړې شوې.
د دغو نویو جوړو شویو لوبغالو د پرانیستې په مراسمو کې د پکتیکا ولایت د بدني روزنې او ورزش مسؤولانو، دولتي چارواکو، ورزشکارانو او د ورزش ګڼو مینوالو ګډون کړی و.
د یاد ولایت د بدني روزنې او ورزش آمر ډاکټر عثمان سیرت او ورزشکارانو د هېواد د ورزش ادارې له رهبري مننه وکړه، چې د دوی ستونزو ته یې رسېدنه وکړه او د ورزشي اماکنو د جوړولو په برخه کې یې له دوی سره خپلې کړې ژمنې پر وخت پوره کړې.
