کاپیسا کې د اتو لوبډلو ترمنځ د فوټسال سیالۍ پیل شوې
د کاپیسا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز محمود راقي ښار په مرکزي جمنازیوم کې د اتو لوبډلو ترمنځ د فوټسال سیالۍ پیل شوې.
د دغو سیالیو په لومړۍ لوبه کې خراسان لوبډلې د ۵ پر ۴ ګولونو په توپیر خپلې سیالې صرافی آریانا نوآباد لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د ورزشکارانو ترمنځ د یووالي په موخه پیل شوي دی، چې دوې اوونۍ به دوام وکړي.
