کاپیسا؛ کوهستان حصه اول ولسوالۍ کې د ۳۰ ورزشکارانو ترمنځ د لاس چپه کولو سيالۍ ترسره شوې
د کاپيسا ولايت د بدني روزنې او ورزش امريت له لوري د ياد ولايت په کوهستان حصه اول ولسوالۍ کې د ۳۰ ورزشکارانو ترمنځ د لاس چپه کولو سيالۍ ترسره شوې.
د دغو سياليو په پايله کې حميد رسولي د زياتو امتيازونو په ترلاسه کولو لومړی، رومان ګلبهاري دويم او مبارز او يما بیا درېيم مقامونه ترلاسه کړل.
د يادو سياليو موخه سيمه ييزو او دوديزو لوبو ته وده ورکول و، چې يوه ورځ يې دوام وکړ.
د سياليو په پای کې غوره ورزشکارانو ته چمتو شوې ډالۍ ورکړل شوې.
