کاپیسا؛ نجراب ولسوالۍ کې د ۱۹ لوبډلو ترمنځ د واليبال سيالۍ پيل شوې
د کاپيسا ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په نجراب ولسوالۍ کې (د ښکلي نجراب) په نوم د ۱۹ لوبډلو ترمنځ د واليبال سيالۍ پيل شوې.
د دغو سياليو په لومړۍ لوبه کې جهان اسپورټ لوبډلې خپلې سیالې دره پته لوبډلې ته د ۳/۲ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه د ځوانانو ترمنځ د واليبال ورزش ته وده ورکول دي، چې يوه اوونۍ به دوام وکړي.
