کاپیسا؛ حصه اول ولسوالۍ کې د ۳۰ ورزشکارانو ترمنځ د لاس چپه کولو سیالۍ ترسره شوې
د کاپیسا ولایت د بدني روزنې او ورزش امریت له لوري د یاد ولایت حصه اول ولسوالۍ کې د ۳۰ ورزشکارانو ترمنځ د تنکیو ځوانانو، نوي ځوانانو او ځوانانو په کټګورۍ کې د لاس چپه کولو سیالۍ ترسره شوې.
د دغو سیالیو په پایله کې د تنکیو ځوانانو له کټګورۍ مصور لومړی مقام، د نوي ځوانانو له کټګورۍ احمدالله لومړی مقام او د ځوانانو له کټګورۍ الهام لومړی مقام ترلاسه کړ.
د یادو سیالیو موخه د سیمه ییزو او دودیزو لوبو دودول او ورزش ته د ځوانانو هڅوول و.
د سیالیو په پای کې د ورزش مسوولینو له لوري غوره لوبغاړو ته چمتو شوي مډالونه، ډالۍ او ستاینلیکونه ورکړل شول.
