کابل کې د ۸۰ سوکوهونکو ترمنځ د سوکوهنې تشويقې سيالۍ پيل شوې
د کابل ولايت د بدني روزنې او ورزش رياست سره په همغږۍ د سوکوهنې ملي فدراسیون له لوري د کابل ښار د ټولو زونونو او درېيو ولسواليو څخه د ۸۰ ورزشکارانو ترمنځ د سوکوهنې تشويقې سيالۍ د ياد فدراسيون په جمنازيوم کې پيل شوې.
دغه سيالۍ، چې د لويانو د عمري کټګورۍ په لسو بېلابېلو وزنونو کې پيل شوې، په پای کې به يې لس غوره څيرې د سوکوهنې راتلونکو سياليو ته غوره شي.
د ويلو ده، چې يادې سيالۍ د هېواد ورزش ادارې او د سوکوهنې ملي فدراسيون د مسوولينو په شتون کې د غوره څېرو د موندلو او ځوانانو د هڅونې په موخه پيل شوې، چې درې ورځې به دوام وکړي.
