کابل کې د ۵۵ ورزشکارانو ترمنځ د لامبووهنې څلورم پړاو ټاکنيزې سيالۍ وشوې
د کابل ولايت بدني روزنې او ورزش رياست په همکارۍ د اوبيزو لوبو ملي فدراسيون له لوري د کابل ولایت د ۷ حوضونو څخه د ۵۵ ورزشکارانو ترمنځ د کابل ولايت د ۱۸ کالو کم عمره لوبغاړو د لامبووهنې څلورم پړاو ټاکنيزې سيالۍ، د اطلس لامبووهنې حوض کې ترسره شوې.
په دې سياليو کې د ۱۸ کالو کم عمره ۵۵ ورزشکارانو په پينځه بېلابېلو کټګوريو او په درې سبکونو، فري سټايل، بک سټروک او براس سټروک کې سيالۍ ترسره کړې، چې په پايله کې يې ۱۵ غوره لوبغاړي د لامبووهنې راتلوونکو سياليو ته غوره شول.
د يادونې وړ ده، چې د دې سیالیو په پای کې غوره لوبغاړو ته د اوبيزو لوبو ملي فدراسيون له لوري مډالونه او ستاينليکونه ورکړل شول، چې يوه ورځ يې دوام وکړ.
