کابل کې د ۱۲۰ ورزشکارانو ترمنځ د طبما مقدماتي سیالۍ پای ته ورسېدی
د کابل ولايت، بدني روزنې او ورزش رياست سره په همغږۍ د طبما د رزمي هنرونو ملي فدراسیون له لوري له ۱۶ کلبونو څخه د ۱۲۰ ورزشکارانو ترمنځ د کابل ولايت د طبما رزمي هنرونو دوه ورځنۍ مقدماتي سيالۍ پای ته ورسېدې.
په دغو سياليو کې ورزشکارانو په درېیو عمري کټګوريو کوچنيانو، ځوانانو او لويانو کې د يو بل پر وړاندې سيالۍ ترسره کړې، چې په پايله کې يې ۳۰ تنه د کوچنيانو کټګورۍ کې، ۳۰ تنه د ځوانانو او ۳۰ تنه د لويانو کټګورۍ کې د ملي لوبډلې راتلونکو سياليو ته غوره شول.
د دې سياليو د پای په مراسمو کې د کابل ولايت د بدني روزنې او ورزش رئيس، مولوي عتيق الله خالد ، د یاد فدراسيون مسولينو او ورزشکارانو ګډون کړی و.
هېره دې نه وي، چې دغه سيالۍ د طبما د رزمي هنرونو راتلونکو ملي سياليو ته د غوره لوبغاړو موندلو په موخه پيل شوې وې، چې په پايله کې يې غوره لوبغاړو ته د طبما د رزمي هنرونو ملي فدراسیون له لوري مډالونه او تصديق پاڼې ورکړل شوې.
