کابل کې د ۱۰۰ ورزشکارانو ترمنځ د قوت الرمي پنځم پړاو ټاکنیزې سيالۍ پيل شوې
د کابل ولايت د بدني روزنې او ورزش رياست په همکارۍ او د قوت الرمي ملي فدراسیون له لوري د ورزش ادارې په ۵۰۰ کسيز جمنازيوم کې د کابل ښار له ۱۰ کلبونو د ۱۰۰ ورزشکارانو ترمنځ د قوت الرمي پنځم پړاو ټاکنیزې سيالۍ د کابل ولايت د بدني روزنې او ورزش رئيس او ورزشي مسوولینو په شتون کې پيل شوې.
دغه سيالۍ د نويو ځوانانو، ځوانانو او د لويانو ورزشکارانو په عمري کټګوريو کې ترسره شوې، چې په پايله کې به ۳۰ ورزشکاران د کابل ولايت د قوت الرمي منتخبې لوبډلې ته وټاکل شي.
د يادو سياليو موخه د کابل ولايت د قوت الرمي منتخبې لوبډلې ته د غوره ورزشکارانو ټاکل دي، چې دوې ورځې به دوام وکړي.
