کابل کې د کښتۍ ځغلونې د ظرفیت لوړونې روزنیز کمپ پای ته ورسېده
د المپیک، بدني روزنې او ورزش ریاست اړوند د کښتۍ ځغلونې ملي فدراسیون له لوري او د آسيايي کنفدراسیون په تخنیکي مرسته ١۵ روزونکو او ورزشکارانو ته د ظرفیت لوړونې پنځه ورځینی روزنیز کمپ پای ته ورسېده.
په دغه کمپ کې د کښتۍ ځغلونې نړۍوال فدراسیون د روزنکو کمېټې غړي دکتور علي جمشيدي له لوري افغان روزونکو او ورزشکارانو د کښتۍ ځغلونې د کانو سبک نوي مقرراتو او قانون تشریح شو.
د یادونې وړ ده چې له دې مخکې هم د ياد فدراسیون له لوري د هېواد پنځو ولایتونو روزونکو ته د کښتۍ ځغلونې روزنیز سمینار ترسره شوی و.
