کابل کې د تورې وهنې سمینار جوړ شو
د المپیک ملي کمېټې او ورزش ریاست له خوا نن د تورې وهنې علمي سمینار پیل شو، چې په یاد سمینار کې به لوبغاړو ته د تورې وهنې نوي تخنیکونه ورښودل کېږي.
په دغه سمینار کې د تورې وهنې ملي لوبډلې ۴۵ لوبغاړو ګډون کړی دی، چې یوه ورځ به دوام وکړي.
د یاد سمینار د مسوولینو په وینا؛ د یاد سمینار موخه د تورې وهنې ملي لوبډلې لوبغاړو ته د تورې وهنې نړۍوال فدراسیون نوي قوانین ورزده کول دي، چې د استاد یقین حقیقت له خوا تدریسېږي.
د سمینار ګډونوالو د دا ډول علمي سمینارونو په جوړېدو خوښي وښوده او د یادې چارې د دوام غوښتنه یې وکړه.
د یادونې وړ ده، چې د المپیک ملي کمېټې او ورزش ریاست له خوا لوبغاړو ته سندونه او ډالۍ ورکړل شوې.
