کابل ؛ د وردګو غشي ويشتونکو ترمنځ د غشي ويشتلو دوستانه سيالي ترسره شوه
د کابل ولايت اړوند باغ داود ښارګوټي کې د وردګو غشي ويشتونکو ترمنځ د غشي ويشتلو يو ورځنۍ دوستانه سيالي ترسره شوه.
په یادو سیالیو کې د بدني روزنې او ورزش عمومي رياست فني او مسلکي مرستيال حافظ احمد جان ځدران، د المپيک ملي کمېټې اجرائيه رييس داد محمد پاينده اختري، د ميدان وردګ ولايت ورزشي امر زبيح الله وهاج، غشي ويشتونکو او يو شمېر نندارچیانو ګډون کړی و.
په دغې سيالي کې د بدني روزنې او ورزش عمومي رياست فني او مسلکي معاون حافظ احمد جان ځدران د غشي ويشتونکو ستونزې واورېدې او له دوی سره يې د هر راز همکارۍ ژمنه وکړه.
دغه دوستانه سيالي د حاجي سلطان او صفت الله لوبډلو ترمنځ ترسره شوه، چې په پايله کې صفت الله لوبډلې خپلې سیالې لوبډلې ته د ۴۶_۳۸ نومرو په توپير ماتې ورکړه او بريا يې خپله کړه.
