پکتیا؛ روحاني بابا ولسوالۍ کې د ۲۴ لوبډلو ترمنځ د فوټبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په روحاني بابا ولسوالۍ کې د ۲۴ لوبډلو ترمنځ د فوټبال سیالۍ د عبدالله کشف کلب لوبډلې په اتلولۍ پای ته ورسېدې.
د دغو سیالیو پایلوبه کې عبدالله کشف کلب لوبډلې خپلې سیالې صدیق هجران کلب لوبډلې ته د ۲ پر صفر ګولونو په توپیره ماتې ورکړه او اتلولي یې په خپل نوم کړه.
یادې سیالۍ ورزش ته د ځوانانو د هڅولو او له نشه یي توکو څخه د ځوانانو د مخنیوي په موخه پیل شوې وې، چې یوه میاشت یې دوام وکړ.
