کابل؛ د کابل ښار ختیځ زون ۱۸۰ پهلوانانو ترمنځ د پهلوانۍ ټاکنیزې سیالۍ پيل شوې
د المپيک کمېټې ، بدني روزنې او ورزش عمومي ریاست اړوند د پهلوانۍ ملي فدارسیون له لوري د یاد ریاست په ۲۵۰۰ کسیز جمنازیوم کې د کابل ښار ختیځ زون ۱۸۰ پهلوانانو ترمنځ د تنکیو ځوانانو، نویو ځوانانو او ځوانانو په عمري کټګوریو کې د پهلوانۍ ټاکنیزې سیالۍ پيل شوې.
دغه سیالۍ به دوې ورځې دوام وکړي، چې په پایله کې به له هرې کټګورۍ ۴۰ پهلوانان، چې ټول ۱۲۰ پهلوانان کېږي د کابل ښار ختیځ زون پهلوانۍ منتخبې لوبډلې ته وټاکل شي.
د دغو سیالیو پرانیستغونډې ته د هېواد ورزش ادارې ورزشي مشاور قاري حیات الله رحماني، د پهلوانۍ ملي فدراسیون رییس، د پهلوانۍ ملي فدراسیون فني پلاوي، پهلوانان او زیات شمېر مینوال راغلي وو.
د یادو سیالیو موخه د کابل ښار ختیځ زون منتخبې لوبډلې ته د غوره لوبغاړو موندل دي، چې څو ورځې وروسته به د کابل ښار ټاکنیزو سیالیو کې هم ګډون وکړي.
