کابل؛ د ورزش ادارې په انګړ کې د نيالګيو کېنولو ملي کمپاین پيل شو

org_admin
پنجشنبه ۱۴۰۵/۱/۱۳ - ۱۶:۴۹
کابل؛ د ورزش ادارې په انګړ کې د نيالګيو کېنولو ملي کمپاین پيل شو

کابل کې د کرنې، اوبو لګولو او مالدارۍ وزارت په مرسته د ورزش ادارې په همغږۍ د يادې ادارې په انګړ کې د نیالګیو کېنولو پسرلنی ملي کمپاین پیل شو، چې له مخې به یې د ۱۴۰۵ هـ.ش کال په جريان کې د المپيک، بدني روزنې او ورزش عمومي ریاست او د پارا المپيک ملي کمېټې په داخل کې ۷۰۰ او د هېواد په ورزشي ځايونو کې په زرګونه بېلا بېل ډوله نیالګي کېنول شي.

د یاد کمپاین د پیل په مراسمو کې د ورزش ادارې عمومي رئیس مولوي احمد الله وثیق، د يادې ادارې فني او مسلکي مرستیال حافظ احمد جان ځدراڼ، حقوقي مشاور سید رسول افغاني، د خدماتو امر احمد ناصر زاخيلي او ورزشي مسوولینو ګډون کړی وو.

د ورزش ادارې د خدماتو امر احمد ناصر زاخيلي په خپلو خبرو کې د نیالګیو کېنول د هېواد د سرسبزۍ، چاپېریال ساتنې او ابادۍ لپاره مهم وبلل او د لوبغاړو روغتیا ته د ورزش ترڅنګ سالم چاپیریال مهم ياد کړ.

د یادونې وړ ده، چې د کرنې، اوبو لګولو او مالدارۍ وزارت په مرسته هر کال په ورزشي ځايونو کې په زرګونه نیالګي کېنول کېږي.

تازه خبرونه

چهارشنبه ۱۴۰۵/۸/۶ - ۱۶:۷
Background image

د فوټبال له ۱۵کلونو کم عمره لوبډلې د نړيوالې جشنوارې په حذفي پړاو کې ټایلنډ ته ماته ومنله

له ۱۵ کلنو کم عمره ملي لوبډلې د فیفا له ۱۵ کلونو کم عمره نړیۍوال جام او جشنوارې په حذفي پړاو کې ټایلنډ ته د ۴ – ۶ ګولونو په توپیر سیالي بایلوده.

افغان لوبډلې د دغو سیالیو ګروپي پړاو کې. . .

چهارشنبه ۱۴۰۵/۸/۶ - ۱۶:۵
Background image

غزني؛ جاغوري ولسوالۍ کې د ۲۰ لوبډلو ترمنځ د واليبال سيالۍ پيل شوې

د غزني ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په جاغوري ولسوالۍ کې د ۲۰ لوبډلو ترمنځ د کلي په کلي په نوم د واليبال سيالۍ پيل شوې.

. . .
چهارشنبه ۱۴۰۵/۸/۶ - ۱۶:۳
Background image

بادغیس کې د ۱۲ لوبډلو ترمنځ د فوټبال حذفي جام سيالۍ پيل شوې

د بادغيس ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت د ګوند او تګاب عالم ولسواليو څخه د ۱۲ لوبډلو ترمنځ د ورورولۍ جام په نوم د فوټبال. . .

BACK TO NEWS