کابل؛ د نورالبشر افغان خصوصي ښوونځي پنځو لوبډلو ترمنځ د فوټسال سيالۍ وشوې
د المپيک، بدني روزنې او ورزش عمومي رياست اړوند په ښوونځيو، پوهنتونونو او مدرسو کې د ورزش د ودې رياست له لوري او د نورالبشر افغان خصوصي ښوونځي سره په همغږۍ د ياد رياست په ۵۰۰ کسيز ورزشي جمنازيوم نورالبشر افغان خصوصي ښوونځي پنځو لوبډلو ترمنځ د فوټسال سيالۍ وشوې.
د دغو سياليو په پايلوبه کې نورالبشر اتلانو لوبډلې خپلې سیالې نورالبشر ځوانانو لوبډلې ته د ۹/۶ ګولونو په توپير ماتې ورکړه او اتلولي يې خپله کړه.
د يادو سياليو موخه په ښوونځيو کې ورزش ته وده ورکول او زده کوونکو ته سالمه تفرېح برابرول و، چې يوه ورځ يې دوام وکړ.
د سياليو په پای کې غوره لوبډلې ته کپ او غوره لوبغاړو ته د تشويق په موخه مډالونه ورکړل شول.
