کابل؛ د دایکندي او کابل ۱۰۰ تنو ورزش کارانو ترمنځ د جوجیستو سیالۍ ترسره شوې
د بدني روزنې او ورزش لوی ریاست په همغږي د جوجیستو ملي فدراسیون له لوري د کابل او دایکندي ولایتونو ۱۰ کلپونو څخه د ۱۰۰ تنو ورزش کارانو ترمنځ د جوجیستو سیالۍ ترسره شوې.
په دغو سیالیو کې د بدني روزنې او ورزش لوی ریاست فني او مسلکي مرستیال حافظ احمدجان ځدراڼ، د اطلاعاتو او عامه پوهاوي رئیس اتل مشواڼی، د فني او مسلکي ریاست سرپرست حمید ساپي او د ورزش ادارې نورو مسولینو ګډون کړی و.
یادې سیالۍ د تنکیو ځوانانو، نویو ځوانانو او ځوانانو په عمري کټګوري او بېلابېلو وزني کټګوریو کې د دغې ورزشي رشتې لپاره د غوره لوبغاړو د ټاکلو او د ورزش کارانو د هڅونې په موخه ترسره شوې، چې په پای کې اتلو ورزش کارانو ته مډالونه او د اتلولي حکمونه ورکړل شول.
