کابل، د افغان والیبال ملي لوبډلې د مرکزي اسیا والیبال سیالیو ته د چمتووالی په موخه تمرینات جریان لري
د بدني روزنې او ورزش لوی ریاست اړوند د والیبال ملي فدراسیون له لوري د یاد ریاست په ۲۵۰۰ کسیز جمنازیوم کې د افغانستان والیبال ملي لوبډلې د مرکزي اسیا والیبال سیالیو ته د چمتووالي په موخه د ۴۰ ورځو راهیسې تمرینات پیل کړي.
د یادونې وړ ده، چې د مرکزي اسیا دغه سیالۍ د پاکستان هېواد په کوربتوب اسلام اباد کې د مۍ میاشتې په ۱۱ نېټه د شپږو هېوادونو: پاکستان، افغانستان، ایران، سریلانکا، قرغیزستان او ترکمنستان ترمنځ ترسره کیږي.
