پکتیکا؛ مټاخان ولسوالۍ کې د شپږ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت په مټاخان ولسوالۍ کې د شپږو لوبډلو ترمنځ د ټېپ بال کرېکټ سیالۍ د سیدو کلا لوبډلې په اتلولي پای ته ورسېدې.
د یادو سیالیو پایلوبه کې سیدو کلا لوبډلې له خپل ۱۳۲ منډو هدف څخه دفاع وکړه او د ۳۵ منډو په توپیر یې خپلې سیالې داود خېلو لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې ۱۲ ورځې یې دوام وکړ.
