پکتیکا؛ مرکز ښرنه کې د ۲۰ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت مرکز ښرنه کې د ۲۰ لوبډلو ترمنځ د والیبال سیالۍ د باسط لوبډلې په اتلولي پای ته ورسېدې.
د دغو سیالیو په پایلوبه کې باسط لوبډلې د ۲/۱ میدان په توپیر خپلې سیالې محمد خېلو لبډلې ته ماتې ورکړه او اتلولي یې وګټله.
دا سیالۍ د سیمې ځوانانو ته د سالمې تفرېح برابرلو په موخه ترسره شوې، چې ۲۱ ورځې یې دوام وکړ او په پای کې اتلې لوبډلې ته یو سېرلی د ډالۍ په توګه ورکړل شو.
