پکتیکا؛ مرکز ښرنه کې د ۱۹ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت له لوري د یاد ولایت په مرکز ښرنه کې د ۱۹ لوبډلو ترمنځ د ټېپ بال کرېکټ سیالۍ د ښرنې سټار لوبډلې په اتلولي پای ته ورسېدې.
د یادو سیالیو پایلوبه کې ښرنې سټار لوبډلې له خپل ۱۷۳ منډو هدف څخه دفاع وکړه او د ۲۸ منډو په توپیر یې خپلې سیالې ښرنې اتلانو لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې ۱۴ ورځې یې دوام وکړ.
