پکتیکا؛ سروبي ولسوالۍ کې د ٣٠ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په سروبي ولسوالۍ کې د ٣٠ لوبډلو ترمنځ د ټېپ بال کرېکټ سیالۍ د ماسټر ګوهر لوبډلې په اتلولي پای ته ورسېدې.
د یادو سیالیو پایلوبه د افغان سټار او ماسټر ګوهر لوبډلو ترمنځ ترسره شوه. د لوبې پچه افغان سټار لوبډلې وګټله او لومړی یې توپ وهنه وکړه، چې په ټاکلو ١٢ اورونو کې یې د پنځو ویکټو په زیان خپلې سیالې لوبډلې ته د ١٧٣ منډو هدف وټاکه. ماسټر ګوهر لوبډلې ټاکلی هدف د اوو ویکټو په زیان د لوبې په وروستي اور کې ترلاسه کړ او د درېیوو ویکټو په توپیر یې د دغو سیالیو اتلولي وګټله.
دا سیالۍ د ځوانانو ترمنځ د یووالي په موخه ترسره شوې، چې ١٦ ورځې یې دوام وکړ.
