پکتیکا؛ ارګون ولسوالۍ کې د ۱۴ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په ارګون ولسوالۍ کې د ۱۵ لوبډلو ترمنځ د والیبال سیالۍ د اتحاد لوبډلې په اتلولي پای ته ورسېدې.
د یادو سیالیو پایلوبه کې اتحاد لوبډلې د ۳/۲ میدانونو په توپیر خپلې سیالې شاهین علیخیل لوبډلې ته ماتې ورکړه او اتلولي یې وګټله.
دا سیالۍ د سیمې د خلکو لپاره د سالمې تفرېح برابرولو په موخه ترسره شوې، چې لس ورځې یې دوام وکړ.
