پکتیا کې د ۱۶ لوبډلو ترمنځ د فوټسال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري د مرکز گردېز ښار په ستارگان لوبغالي کې د ۱۶ لوبډلو ترمنځ د فوټسال دوستانه سیالۍ د متحد ځوانانو لوبډلې په اتلولۍ پای ته ورسېدې.
د دغو سیالیو پایلوبه کې متحد ځوانانو لوبډلې د ۱ پر ۰ گول په توپیر خپلې سیالې ستارگان لوبډلې ته ماتې ورکړه او اتلولي یې په خپل نوم کړه.
د یادو سیالیو موخه ورزش ته د ځوانانو هڅول او د فوټسال ورزش ته وده ورکول و، چې ۲۰ ورځې یې دوام وکړ.
