پکتیا؛ په زرمت ولسوالۍ کې د نېزې وهنې منتخبې لوبډلې د غوراوي سيالۍ ترسره شوې
د پکتیا ولایت بدني روزنې او ورزش ریاست په مرسته د نېزې وهنې فدراسيون له لوري په زرمت ولسوالۍ کې د ٦٠ اس ځغلوونکو ترمنځ د دې د ١٤٠٢ کال د نېزې وهنې منتخبې لوبډلې د غوراوي سیالۍ ترسره شوې.
دغو سياليو، چې يوه ورځ يې دوام وکړ د پکتیا مرکز او ولسواليو اس ځغلوونکو پکې برخه لرله.
د يادو سياليو په پايله کې ١٦ تنه اس ځغلونکي د پکتیا ولایت د ١٤٠٢ کال د نېزې وهنې منتخبې لوبډلې ته وټاکل شول، چې د روان کال د نېزې وهنې په ملي سياليو کې به برخه واخلي.
