پکتیا؛ په احمد ابا ولسوالۍ کې د نشه یي موادو د مخنیوي په موخه د اتو لوبډلو ترمنځ د والیبال سیالۍ پیل شوې
د پکتیا ولایت د بدني روزنې او ورزش ریاست او والیبال فدراسیون له لوري د احمد ابا ولسوالۍ د سپورټي کمېټې په همکارۍ د نشه یي موادو د مخنیوي په موخه د اتو لوبډلو ترمنځ د والیبال سیالۍ پیل شوې.
د دغو سیالیو په لومړۍ لوبه کې لوی خوړ لوبډلې خپلې سیالې فیروز خېلو لوبډلې ته د ۲-۰ میدانونو په توپیر ماتې ورکړه او بریا یې خپله کړه.
همداراز په دویمه سیالۍ کې سید کرم لوبډلې خپلې سیالې څپړۍ لوبډلې ته د ۲-۰ میدانونو په توپیر ماتې ورکړه او بریال ترلاسه کړه.
باید یادونه وشي چې دغه سیالۍ د نشه یي موادو د مخنیوي، د ځوانانو ترمنځ د یووالي په موخه پیل شوې او څو ورځې به دوام وکړي.
