پکتیا؛ مرکز ګردېز ښار کې د ۲۴ ورزشکارانو ترمنځ د او- سپورټ سبک دوستانه سیالۍ ترسره شوې
د پکتیا ولایت د بدني روزنې او ورزش رياست اړوند د رزمي ورزشونو فدراسیون د استازولۍ له لوري د یاد ولایت مرکز گردېز ښار کې د ۲۴ ورزشکارانو ترمنځ د او- سپورټ سبک دوستانه سیالۍ ترسره شوې.
دغه سيالۍ د نویو ځوانانو، ځوانانو او لويانو ورزشکارانو په عمري کټگوریو کې ترسره شوې، چې په پايله کې ۱۲ ورزشکارانو خپلو سیالانو ته په ماتې ورکولو سره بریاوې خپلې کړې.
یادې سیالۍ په دغه ولایت کې د او- سپورټ ورزش ته د ودې ورکولو په موخه ترسره شوې، چې يوه ورځ يې دوام وکړ.
