پکتیا؛ احمداباد ولسوالۍ کې ۴۰ لوبډلو ترمنځ د والیبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند د والیبال فدراسیون د استازولۍ له لوري د احمداباد ولسوالۍ په مرکزي لوبغالي کې له څلورو ولایتونو د ۴۰ لوبډلو ترمنځ "د زړونو پیوند" په نوم د والیبال دوستانه سیالۍ د خوست مندوزیو لوبډلې په اتلولۍ پای ته ورسېدې.
په دغو سیالیو کې له کابل، لوگر، خوست، ميدان وردگ او کوربه پکتیا ولایتونو څخه لوبډلو گډون کړی، چې په پایلوبه کې خوست مندوزیو لوبډلې خپلې سیالې پکتیا سېدکرم لوبډلې ته د ۱/۳ میدانونو په توپیر ماتې ورکړه او اتلولۍ يې وگټله.
دا سیالۍ د سیمې د خلکو لپاره د سالمې تفريح برابرولو په موخه ترسره شوې، چې ۲۰ ورځې یې دوام وکړ.
