په هرات کې د اي انډ د افغانستان د اس ځغلونې اتم پړاو ټورنمنټ د انځور په ژبه

دغه سيالۍ د هرات ولايت په کوربتوب په دوو سبکونو (يورغه او سرعتي) کې، يورغه په ۸۰۰ او ۱۲۰۰ متره او سرعتي په ۸۰۰ او ۱۲۰۰ متره واټن کې دوام لري.

تمه ده چې د دغو سياليو په‌ پايله کې به له ۱۳ ولايتونو ۱۴ لوبډلو څخه چې ټول ټال ۷۲ اس ځغلونکي او ۷۲ اسونه کېږي، په دواړو سبکونو کې ۱۶ اسونه‌ او ۱۶ اس ځغلونکي د هيواد په کچه د ملي لوبډلې لپاره وټاکل شي.

د يادونې وړ ده چې د دغو سياليو په درېيمه ورځ په يورغه سبک کې د څلور جوړو اسونو او اس ځغلونکو ترمنځ سيالۍ وشوې، او همدارنګه په سرعتي سبک کې د درېيو ګروپو اس ځغلونکو ترمنځ سيالۍ وشوې، چې په پايله کې په سرعتي سبک کې اتو اس ځغلونکو او اسونو بل پړاو ته لار ومونده او په يورغه سبک کې څلورو اس ځغلونکو بل پړاو ته لار ومونده.