پکتيکا؛ په يحيی خېلو ولسوالۍ کې د ۲۰ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش آمريت اړوند د واليبال فدراسيون د استازولي له لوري د ياد ولايت په يحيی خېلو ولسوالۍ کې د ۲۰ لوبډلو ترمنځ د واليبال سيالۍ، چې لس ورځې مخکې پيل شوې وې، د يارانو لوبډلې په اتلولۍ پای ته ورسېدې.
د يادو سياليو په پايلوبه کې يارانو لوبډلې خپلې سيالې غيبي خېلو لوبډلې ته د ۲ پر ۱ ميدانونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو د ترسره کېدو موخه د لوبغاړو ترمنځ د پېژندگلوي رامنځته کول او د يادې ولسوالۍ وگړو لپاره د سالمې تفريح برابرول وو.
