پکتيکا؛ په مرکز ښرنه کې د ۱۶ لوبډلو ترمنځ د واليبال ټاکنيزې سيالۍ پای ته ورسېدې
د پکتيکا ولايت د بدني روزنې او سپورټ امريت اړوند د واليبال فدراسيون د استازولۍ له لوري د ورزش امريت په ورزشي ميدان کې د ۱۶ لوبډلو ترمنځ د ياد ولايت منتخبې لوبډلې ټاکلو په موخه د واليبال ټاکنيزې سيالۍ د یارانو لوبډلې په اتلولۍ پای ته ورسېدې.
د يادو سياليو په پايلوبه کې يارانو لوبډلې سيالې ميرياڼو لوبډلې ته ۲/۳ ميدانونو په توپير ماتې ورکړه او اتلولي يې خپله کړه.
دغه سیالۍ چې يوه اوونۍ يې دوام وکړ، په پای کې لومړي او دويم مقام گټونکو لوبډلو ته کپونه او غوره ورزشکارانو ته چمتو شوې ډالۍ ورکړل شوې.
