پکتيکا؛ مټاخان ولسوالۍ کې د ۲۶ لوبډلو ترمنځ د نیزه وهنې سيالۍ وشوې
د پکتيکا ولايت د بدني روزنې او ورزش آمريت اړوند د وزلوبې، نيزه وهنې او سيمه ييزو لوبو ملي فدراسيون د استازولۍ له لوري د ياد ولايت په مټاخان ولسوالۍ کې د ۲۶ لوبډلو ترمنځ د نيزه وهنې سيالۍ، چې يوه ورځ يې دوام وکړ د مرکز شرنې الف لوبډلې په اتلولۍ پای ته ورسېدې.
د دغو سياليو په پايله کې مرکز شرنې الف لوبډلې د ۲۴ امتيازونو په ترلاسه کولو سره لومړی، مرکز شرنې ب لوبډلې د ۲۰ امتيازونو سره بيا دويم مقام خپل کړ.
د يادو سياليو موخه ملي او دودیزو لوبو ته وده ورکول او د نيزه وهونکو ترمنځ همغږي رامنځته کول وو.
