پکتيکا؛ مرکز شرنه کې د ۳۵ ورزشکارانو ترمنځ د رسۍ کشونې سيالي ترسره شوه
د پکتيکا ولايت د بدني روزنې او ورزش امريت اړوند د ملي او دوديزو لوبو مديريت له لوري په زين الدين زاهد کلب کې د ۳۵ ورزشکارانو ترمنځ د رسۍ کشونې سيالي ترسره شوه.
دغه سيالۍ، چې يوه ورځ يې دوام وکړ، په پايله کې جلال الدين لومړی، رحيم الله دويم او شېر علي بيا درېيم مقام تر لاسه کړ.
د دغو سياليو د ترسره کېدو موخه ملي او دوديزو لوبو ته وده ورکول ښودل شوي وو، چې په پای کې غوره ورزشکارانو ته چمتو شوې ډالۍ ورکړل شوې.
