پکتيکا؛ مدت خېلو لوبډلې د سرحد اتلانو جام په نوم د فوټبال سياليو اتلولي وگټله
د پکتیکا ولایت د بدني روزنې او ورزش آمريت په همکارۍ او د فوټبال فدراسيون د استازولۍ له لوري د مرکز اړوند ملک ورزشي لوبغالي کې د ۳۵ لوبډلو ترمنځ د "سرحد اتلانو جام" په نوم د فوټبال سيالۍ د مدت خېلو لوبډلې په اتلولۍ پای ته ورسېدې.
د دغو سياليو پايلوبه کې مدت خېلو لوبډلې خپلې سيالې شرنې لوبډلې ته د ۲ پر صفر گولونو په توپير ماتې ورکړه او اتلولي يې په خپل نوم کړه.
دا سيالۍ د هېواد سرحدي ځواکونو څخه د لوبغاړو د ملاتړ په موخه ترسره شوې، چې په پای کې د مسؤلينو له لوري؛ اتلې او نائب قهرمان لوبډلې ته يو يو عراده موټرسايکل د انعام په توگه ورکړل شو.
