پکتيا؛ گردېز ښار کې د ۴۰ ورزشکارانو ترمنځ د رزمي لوبو يوني فايټ سبک سيالۍ وشوې
د پکتیا ولایت د بدني روزنې او ورزش رياست اړوند د رزمي لوبو فدراسيون د استازولۍ له لوري د مرکز گردېز ښار په بېدار سلطاني کلب کې د ۴۰ ورزشکارانو ترمنځ د رزمي لوبو يوني فايټ سبک شپنۍ دوستانه سیالۍ وشوې.
دغه سيالۍ، چې د نویو ځوانانو، ځوانانو او لويانو په عمري کټگوريو کې ترسره شوې، په پايله کې ۲۰ تنو ورزشکارانو خپلو سيالانو ته په ماتې ورکولو سره برياوې خپلې کړې.
د يادو سياليو موخه په ياد ولايت کې د رزمي لوبو يوني فايټ سبک ته وده ورکول و، چې يوه شپه يې دوام وکړ.
