پکتيا؛ په احمد اباد ولسوالۍ کې د لسو لوبډلو ترمنځ د واليبال سيالۍ پای ته ورسېدې
د پکتيا ولایت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په احمد اباد ولسوالۍ کې د لسو لوبډلو ترمنځ د واليبال سيالۍ د احمد اباد اتحاد لوبډلې په اتلولۍ پای ته ورسېدې.
د يادو سياليو په پايلوبه کې احمد اباد اتحاد لوبډلې خپلې سيالې نېستيکوټ اتلانو لوبډلې ته د ۳ پر ۲ ميدانونو په توپير ماتې ورکړه او اتلولي يې په خپل نوم کړه.
د ويلو ده، چې د دغو سياليو موخه ورزش ته د ځوانانو هڅول او له نشه يي توکو څه ليرې والی وو، چې لس ورځې يې دوام وکړ.
