پکتيا؛ په ميرزکې ولسوالۍ کې د ۵۴ ورزشکارانو ترمنځ د تيږې اچونې سيالۍ ترسره شوې
د پکتيا ولايت د بدني روزنې او ورزش رياست اړوند د دوديزو لوبو مديريت له لوري په ميرزکې ولسوالۍ کې د 54 ورزشکارانو ترمنځ د تيږې اچونې دوديزې سیالۍ ترسره شوې.
دغه سيالۍ چې د درېيو سني کټګوريو نويو ځوانانو، ځوانانو او لويانو ترمنځ ترتيب شوې وې، په پایله کې زیارمل او نصرت د نويو ځوانانو، محمد نبي او مطیع الله د ځوانانو، مولاجان او ګل نذیر د لويانو په کټګوريو کې په ترتيب سره اول او دويم مقامونه ترلاسه کړل.
په پای کې غوره ورزشکارانو ته د ياد رياست له لوري چمتو شوې ډالۍ ورکړل شوې.
