په کندهار کې د ۲۴ لوبډلو ترمنځ د ټېپ بال کرکټ سيالۍ د اتحاد لوبډلې په اتلولۍ پای ته ورسېدې
د کندهار ولايت د بدني روزنې او ورزش رياست له لوري په مرکز غازي محمد ايوب خان ورزشي لوبغالي کې د ۲۴ لوبډلو ترمنځ د ټېپ بال کرکټ رمضان جام سياليو اتلولي اتحاد لوبډلې خپله کړه.
د دغو سياليو پايلوبې ته اتحاد او شاه جهان لوبډلو لار موندلې وه، لومړی توپوهنه شاه جهان لوبډلې وکړه او په ټاکلو لسو اورونو کې يې سيالې لوبډلې ته ۱۰۸ منډې هدف کېښود. د لوبې په دويمه پاڼۍ کې اتحاد لوبډلې ياد هدف د درېوو لوبغاړو په زيان پوره کړ او په اووه ويکټو يې اتلولي خپله کړه.
په پای کې اتلې لوبډلې ته موټرسايکل او غوره لوبغاړو ته کپونه او چمتو شوې ډالۍ ورکړل شول.
