په کابل کې د وزلوبې ليګ سياليو پر دوام نن چهارشنبه د ليندۍ پر ٢٣نېټه دوې لوبې وشوې
په کابل کې د وزلوبې څلورم غوره لیګ سیالیو پر دوام نن چهارشنبه د ليندۍ پر ٢٣نېټه د "پنچشير او بغلان" او د "سمنگان او جوزجان" لوبډلې سره ولوبېدلې.
د وزلوبې فدراسیون د مسوولينو په خبره؛ د پنجشېر او بغلان چاپندازان د سهار لس بجې سره مخ شول، چې ډېره جالبه او ليدونکې لوبه يې وکړه، د خلکو پام يې جلب کړ، چې بالاخره د دې دواړو لوبډلو لوبه له "٣-١" پايلې سره د پنجشېر د وزلوبې لوبډلې په ګټه پاى ته ورسېده.
د دې ليګ پر دويمه لوبه کې نن له غرمې وروسته دوه بجې د سمنگان او جوزجان ولايتونو لوبډلې سره مخ شوې، چې له "١٤-١" د سمنگان په ګټه پاى ته ورسېده.
د وزلوبې په دغه پړاو سياليو کې د ١٢ ولايتونو ١٢ لوبډلې ګډون لري، چې لس ورځې به سره ولوبيږي.
د يادولو ده چې دغه ليګ له ملي سپورټ څخه په ژوندۍ بڼه خپریږي.
