په پلازمېنه کابل کې د ارواښاد استاد رغبت بوکسنګ جام دیرشم پړاو سیالۍ پيل شوې

په پلازمېنه کابل کې د بوکسنګ ملي فدراسیون له لوري د ارواښاد استاد رغبت بوکسنګ جام دیرشم پړاو سیالۍ د ۲۲ کلبونو د ورزشکارانو ترمنځ پیل شوې.

دغه سیالۍ چې د بوکسنګ فدراسیون په مرکزي ذال کې ترسره کیږي، د (۱۱-۱۲ کلنو او ۱۴-۱۶کلنو) د دوو عمري ډلبندیو ۱۳۰ تنه ورزشکاران پکې برخه لري.

په دې سیالیو کې به ورزشکاران له ۳۵ کیلو تر ۷۰ کیلو پورې په ۱۴ وزنونو کې د یو بل په وړاندې سیالۍ وکړي او تر راتلونکو څلورو ورځو پورې به یې سیالۍ د وام ولري.

د سیالیو موخه د ارواښاد عبدالغفور رغبت یاد او د بوکسنګ د تنکیو ورزشکارانو وړتیاوو ته وده ورکول دي.

دغه سیالۍ هر کال د کابل ښار د کلبونو ترمنځ د ارواښاد عبدالغفور رغبت د بوکسرانو ټولنې له لوري او د افغانستان د بوکسېنګ فدراسیون په همکارۍ ترسره کیږي.