په ننګرهار کې د څلورو ولایتونو د ورزشکارانو ترمنځ د کيک بوکسېنګ سيالۍ وشوې
د ننګرهار ولایت د المپیک، بدني روزنې او ورزش ریاست په لارښوونو د کیک بوکسېنګ فدراسیون د استازولۍ له لوري د لومړي ځل لپاره د جلال اباد ښار پنځمې ناحیې اړوند ورزشي جمنازیوم کې د کابل، ننګرهار، لغمان او پکتيا ولايتونو د ۸۰ ورزشکارانو ترمنځ د کیک بوکسېنګ سیالۍ وشوې.
دغه سيالۍ چې يوه ورځ يې دوام وکړ، په پايله کې کابل لومړی، ننګرهار دويم او لغمان ولايت درېيم مقام ترلاسه کړ.
د يادونې وړ ده، چې دغه سيالۍ د ځوانانو، لويانو او نويو ځوانانو په کټګوري کې ترسره شوې او په پای کې غوره ورزشکارانو ته مډالونه او ستاينليکونه ورکړل شول.
