په ننګرهار کې د پهلوانۍ رمضان جام سيالۍ پای ته ورسېدې
د ننګرهار ولایت د بدني روزنې او ورزش ریاست اړوند د پهلوانۍ فدراسیون استازولۍ په همکارۍ د ياد ولایت په کچه د ۴۰ کلبونو د ۲۰۰ ورزشکارانو ترمنځ د پهلوانۍ رمضان جام سیالۍ پای ته ورسېدې.
یادې سيالۍ د درېيو کټګوریو نويو ځوانانو، ځوانانو او لویانو ترمنځ ترسره شوې وې او موخه يې د ورزشکارانو سالمه بوختيا او ورزش ته د ځوانانو هڅول ياد شوي دي.
هېره دې نه وي چې دغو سياليو دوه ورځې دوام وکړ او په پای کې غوره ورزشکارانو ته چمتو شوې ډالۍ ورکړل شوې.
