په خوست کې د ۲۷ لوبډلو ترمنځ د والیبال سیالۍ پای ته ورسېدې
د خوست ولایت د بدني روزنې او ورزش امریت اړوند والیبال فدراسیون د استازولۍ له لوري د مرکز متون اړوند شمل فراري کلي کې د ۲۷ الف لوبډلو ترمنځ د عرفان وزیر په نوم د والیبال سیالۍ پای ته ورسېدې.
د دغو سیالیو په پایلوبه کې صبریو یعقوبیو منتخبې لوبډلې خپلې سیالې شمل منتخبې لوبډلې ته د ۳۱-۲۳ نومرو په توپیر ماتې ورکړه او اتلولي یې خپله کړه.
د یادونې وړ ده چې دغه سیالۍ نیږدې درې یوه نیمه میاشت وړاندې پیل شوې وې او تېره ورځ پای ته ورسېدې.
