په ایران کې د یووالي او دوستۍ جام په نوم دویم پړاو سیالیو کې د نیمروز او د هرات ولایت د بکس ورزشکارانو دویم مقام ترلاسه کړ
په ایران کې د یووالي او دوستۍ جام په نوم دویم پړاو سیالۍ، چې څو ورځې مخکې د ایران، افغانستان او د پاکستان هېوادونو ترمنځ د ایران په کوربتوب پيل شوې وې د افغانستان له نیمروز او هرات څخه څلورو د بوکس ورزشکارانو یو د سروزرو او درې د سپینو زرو مډالونو په ترلاسه کولو سره دویم مقام خپل کړ.
په دغو سیالیو کې فیض احمد د ایران او پاکستاني سیالانو په ماتې ورکولو سره لومړی مقام او یو د سرو زرو مډال ترلاسه کړ، فریاد امیري خپل ایراني سیال ته په ماتې ورکولو سره دویم او همدرانګه فردین امیري او صبغت الله مرادي د دوو سپینو زرو مډالونو په ترلاسه کولو سره دویم مقامونه ترلاسه کړل.
د دغو سیالیو په پایله کې د اسیایي فدراسیون په درجه بندۍ کې ایران لومړی، افغان ورزشکارانو دویم او د پاکستان ورزشکارانو درېیم مقام ترلاسه کړ.
