پنجشېر؛ ابشار ولسوالۍ کې د ۳۴ لوبډلو ترمنځ د والیبال سیالۍ پای ته ورسېدې
د پنجشېر ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت د ابشار ولسوالۍ په بابا علي کلي کې د ۳۴ لوبډلو ترمنځ د والیبال سیالۍ پای ته ورسېدې.
د دغو سیالیو په پایلوبه کې د اتحاد لوبډلې خپلې سیالې خواجه فرهاد لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول و، چې یوه اوونۍ یې دوام وکړ.
