پروان کې د اتو لوبډلو ترمنځ د والیبال سیالۍ د شینواري ځوانانو لوبډلې په اتلولۍ پای ته ورسېدې
د پروان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري په یاد ولایت کې د نویو ځوانانو جام په نوم د اتو لوبډلو ترمنځ د والیبال سیالۍ، چې څلور ورځې مخکې پيل شوې وې د شینواري ځوانانو لوبډلې په اتلولۍ پای ته ورسېدې.
د دغو سیالیو په پایلوبه کې شینواري ځوانانو لوبډلې خپلې سیالې غوربند یارانو لوبډلې ته د ۳/۲ میدانونو په توپیر ماتې ورکړه او اتلولي یې خپله کړه.
د یادو سیالیو موخه په پروان کې د والیبال لوبو ته وده ورکول و، د سیالیو په پای کې غوره لوبغاړو ته ورزشي ډالۍ ورکړل شوې.
