پروان؛ بګرام ولسوالۍ کې د ۱۰۰ ورزشکارانو ترمنځ د پهلوانۍ سیالۍ ترسره شوې
د پروان ولایت د بدني رونې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په بګرام ولسوالۍ کې د ۱۰۰ ورزشکارانو ترمنځ د پهلوانۍ سیالۍ ترسره شوې.
دغه سیالۍ د پنجشېر، پروان، کابل او کاپيسا ولایتونو ورزشکارانو ترمنځ د نویو ځوانانو، ځوانانو او د لویانو ورزشکارانو په عمري کټګوریو کې ترسره شوې، چې په پایله کې د پروان ولایت پهلوانانو لومړی، د کاپيسا ولایت پهلوانانو دویم او د پنجشېر ولایت پهلوانانو بیا درېیم مقام ترلاسه کړ.
د یادو سیالیو موخه د پهلوانانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره پهلوانانو ته مډالونو او د اتلولۍ حکمونه ورکړل شول.
