هلمند کي د سویل لویدیځ زون فوټبال سيالۍ د غزني ازادۍ لوبډلې په اتلولۍ پای ته ورسېدې
د افغانستان فوټبال اتلانو لیګ ته د لار موندنې کوالیفای سیالیو په لړ کې د سویل لویدیځ زون سیالۍ د غزني ولایت آزادۍ فوټبال لوبډلې په اتلولی پای ته ورسیدې.
ددې لوبو پايلوبه د غزني ازادۍ فوټبال لوبډلې او ارزګان رحيمي فوټبال لوبډلۍ ترمنځ وه چې په پایله کې ۲-۱ د غزني آزادۍ لوبډلې د ارزګان رحيمي فوټبال لوبډلې ته ماتې ورکړه.
غزني ازادۍ فوټبال لوبډلې ددې سياليو په څلور لوبو کې درۍ لوبې وګټلې او یوه لوبه يې مساوي کړه چې پوره لس نمرې يې خپلۍ کړۍ او د اتلولۍ جام يې ترلاسه کړ.
یاده لوبډله به اوس د شپږ زونونو ترمنځ سياليو کې ولوبيږي تر څو ځان د افغانستان اتلانو لیګ ته ورسوي.
د سویل لویدیڅ زون ترمنځ په دې سياليو کي غوره لوبغاړی له ارزګان ولايت څخه فيروز احمد، غوره ګول وهونکی جاويد احمد، غوره ګول ساتونکی نور الله د غزني له ازادۍ لوبډلي څخه و چي د فوټبال فدراسيون له لوري په ډالیو وستایل شول.
