هلمند؛ گرشک ولسوالۍ کې د ۱۶ لوبډلو ترمنځ د رمضان جام په نوم د فوټسال سيالۍ پيل شوې
د هلمند ولايت د بدني روزنې او ورزش امريت اړوند د فوټبال فدراسيون د استازولۍ او د الحاج نقيب الله حقمل په مالي ملاتړ د گرشک ولسوالۍ په ورزشي جمنازيوم کې د ۱۶ لوبډلو ترمنځ د تگ - راتگ په شکل د رمضان جام په نوم د فوټسال سيالۍ پيل شوې.
د يادو سياليو لومړۍ لوبه د نوآباد او الماس لوبډلو ترمنځ ترسره شوه، چې په پايله کې نوآباد لوبډلې سيالې لوبډلې ته ۲/۴ گولونو په توپير ماتې ورکړه او بريا يې خپله کړه.
د دغو سياليو د ترسره کېدو موخه د ځوانانو سالم مصروفیت دی، چې شاوخوا دوې اوونۍ به دوام وکړي.
