هلمند؛ پيکان لوبډلې د ابادۍ جام په نوم د فوټسال سياليو اتلولي وگټله
د هلمند ولايت د بدني روزنې او سپورټ امريت له لوري د ياد ولايت د گرشک ولسوالۍ ورزشي جمنازيوم کې د ۱۲ لوبډلو ترمنځ د ابادۍ جام په نوم د فوټسال گروپي سيالۍ د پيکان لوبډلې په اتلولۍ پای ته ورسېدې.
د يادو سياليو په پايلوبه کې پيکان لوبډلې سيالې فرېنډز لوبډلې ته د ۱/۴ گولونو په توپير ماتې ورکړه او اتلولي يې خپله کړه.
دغه سیالۍ، چې دوې اوونۍ يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
